Plantun de Prouvènço

Pèr coumpara dos planto d'encò nostre

Helictochloa pratensis & Cyperus esculentus

Helictochloa pratensis

Poaceae Graminaceae

Nom en français : Avoine des prés.

Descripcioun :
Aquest civadoun (espigueto de 12 à 25 mm) trachis au nostre dins li colo e en mountagno. Es uno planto pulèu grando (0,3 à 1 m) que se recounèis à si fueio plato, si glumo quàsi tant longo que li flour que soun proun pelouso à la baso. En Prouvènço vèn la subsp. pratensis emé uno lengueto sènso péu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictochloa
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 8 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun

Liò : Tepiero seco - Esboudèu - Colo - Basso mountagno
Estànci : Subremediterran à Mountagnard
Couroulougi : Éuropenco-Ouèst
Ref. sc. : Helictochloa pratensis (L.) Romero Zarco, 2011 (= Avenula pratensis (L.) Dumort., 1968 )

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.